Área económica
No tocante á xestión de carácter económicos identificamos catro actuacións básicas de goberno:
- Reestruturación a fondo dos actuais servizos de Xestión Económica, Control Interno, Contabilidade e Presupostos, e Xestión Económica de I+D.
- Situar na xerencia, sen prexuízo dos criterios políticos de decisión, as competencias en materia de elaboración, execución e liquidación do orzamento e de elaboración da memoria económica.
- Transferir á xerencia e os seus servizos administrativos o peso da contratación administrativa. O xerente será a persoa responsábel do órgano de contratación.
- Implantar o uso de cartóns de crédito polos responsábeis dos centros de gasto, en colaboración con algunha das entidades financeiras que colaboran habitualmente coa USC, para atender ao pagamento dos gastos de menor contía dos que se deriven vantaxes económicas significativas debidas á utilización deste procedemento, e sen prexuízo dos controis que sexan precisos para garantir a súa correcta utilización.